З блогу Лёліка Ушкіна.
Вечарам 9 кастрычніка быў затрыманы актывіст апазіцыі А.Я. Міліцыянеры, якія прыйшлі за ім, сцвярджалі, што А.Я хавае труп. (з матэрыялаў прэсы).
Прыкольна будзе, калі не лаянка матам, а абвінавачанне ў хаванні трупаў стане тыповай падставай для прывентыўных арыштаў бацькафобаў.
11.09.2007 Напярэдадні Еўрапейскага маршу
Апазіцыянер: ( размаўляе па мабіле): Слухайце сп. Трусаў, ваша канцэпцыя вымаўлення фрыкатыўнага “х” у выгавары паўночных палешчукоў гэта поўны нонсенс. Як казаў Сенека ў лісце да Марка Аўрэлія...ой, прабач я потым цябе ператэлефаную, пасля Акрэсціна. Добры дзень, таварыш інспектар, і што – зноў я лаяўся матам?
Міліцыянер: Так
Апазіцыянер: І што Вы гэта я сказаў.
Міліцыянер:....ть....ец ..уй
Апазіцыянер: Ну што рабіць? Паехалі ў суд. Вы ж бачыце я і з сабою нават выпадкова баул захапіў. Ха-ха-ха.
1.05.2007. Напярэдадні Сацыяльнага маршу
Апазіцыянер : ( размаўляе па мабіле): Слухайце сп. Трусаў, ваша канцэпцыя вымаўлення выбуховага “ю” у выгавары палешчукоў гэта поўны нонсенс. Як казаў Гегель ў лісце да Файербаха....ой, прабач, я потым цябе ператэлефаную, праз 15 сутак. Добры дзень, таварыш інспектар, і што – зноў я лаяўся матам. Ха-ха-ха. Зноў на Акрэсціна? А я выпадкова нават баул прыхапіў.
Міліцыянер: Не, матам вы не лаяліся. Вы схавалі труп.
Апазіцыянер Як схаваў?
Міліцыянер: Ну, у вас ёсць труп дома?
Апазіцыянер: Няма.
Міліцыянер: Значыць схавалі. Можа ён у Вас у кішені..
Апазіцыянер: Які труп? Я патрабую адваката.Дапамажыце, людзі добрыя. Таварыш маёр, а можа яе у стары добры час. Глядзіце я лаюся: пайшлі Вы на ээээээ... як жа дакладна гэты выраз? Здаецца: пайшлі Вы на маць!
Міліцыянер: Я цябе тут памахаю рукамі. Урэж яму, сяржант. Вось так. ....й!....ть!....ец! Сказана: хаваеш труп.
20.03.2008. Напярэдадні Дня волі.
Апазіцыянер: ( размаўляе па мабіле): Слухайце сп. Трусаў, ваша канцэпцыя вымаўлення фрыкатыўнага апострафа у выгавары палешчукоў гэта поўны нонсенс. Як казаў ў Бернард Шоў у лісце да Хемінгуея...ой, прабач я потым цябе ператэлефаную. Трэба бегчы. Глухаря жадаюць павесіць, ваўкі пазорныя.
Міліцыянер: Стаяць, адмарозак. Кажы дзе труп? ...Ты куда? ....й!....ть!....ец! ( размаўляе па рацыі) Барсук-барсук , я каала. Кліент уходзіць па Варвашені ў бок Багдановіча. Пачынаем аперацыю “перахват”.
20.04.2008 г. Напярэдадні Чарнобыльскага маршу
Апазіцыянер: ( размаўляе па мабіле): Слухайце сп. Трусаў, ваша канцэпцыя вымаўлення “б” у выгавары палешчукоў гэта поўны нонсенс. Як казаў Сартр Мішелю Фуко..ой, прабач я потым цябе ператэлефаную. Добры дзень, таварыш інспектар, і што: зноў я схаваў труп?
Міліцыянер: Так. ....й!....ть!....ец!
Апазіцыянер: Ну што рабіць? Паехалі ў суд. Вы ж бачыце я і з сабою нават выпадкова баул захапіў. Ха-ха-ха. Дарэчы ў вас вельмі цікавы фрыкатыўны “б”. Вы не з Палесся? Гэта ж суперматэрыял. Як раз за час адсідкі прадумаю тэзісы артыкула супраць гэтага невука Трусава.
У дзень, калі памілавалі палітвязня Дароніна, ягонай жонцы прысудзілі 8,5 гадоў калоніі за ўдзел у дваровым чаце6
Каментары