Беларуса, абвінавачанага ў падрывах цягнікоў на БАМе, асудзілі ў Расіі на 22 гады
Пяць ён правядзе ў турме, астатняе ў калоніі строгага рэжыму.
2‑і Усходні акруговы вайсковы суд прысудзіў 54‑гадовага грамадзяніна Беларусі Сяргея Ерамеева, абвінавачанага па справе аб падрывах на БАМе, да 22 гадоў пазбаўлення волі, з якіх пяць ён правядзе ў турме, а астатнія — у калоніі строгага рэжыму, піша «Медуза»
Суд вырашыў, што Ерамееў «за грашовую ўзнагароду ўвайшоў у склад тэрарыстычнай супольнасці». Ён атрымаў самаробныя выбуховыя прылады і, прыбыўшы ў Бурацію, усталяваў іх на вагонах-цыстэрнах з дызельным палівам двух грузавых цягнікоў.
Падрывы на БАМе адбыліся ў канцы лістапада 2023 года — адзін у Паўночнамуйскім тунэлі, другі — на аб’язным шляху. У выніку выбухаў загарэліся вагоны-цыстэрны і была пашкоджана чыгуначная інфраструктура. Шкода ацэненая больш як у 102 мільёны рублёў. Неўзабаве пасля выбухаў быў затрыманы падазраваны — грамадзянін Беларусі Сяргей Ерамееў. У судзе ён тлумачыў, што хацеў паралізаваць рух на чыгунцы, каб перашкодзіць перавозцы вайсковых грузаў.
Цяпер чытаюць
Дарадца прэзідэнта Польшчы пракаментаваў зварот Калеснікавай і Золатавай: Лукашэнка выпускае некалькі дзясяткаў вязняў, а на наступны дзень затрымлівае новых2323
Каментары