1. $2,6 мільёна — суцэльная пазалота
За максімальную цану гаспадары прадаюць шыкоўна абстаўлены катэдж у Калодзішчах, гэта каля 10 км ад Мінска. Чатырохузроўневы цагляны дом агульнай плошчай 1200 м2 быў пабудаваны 15 гадоў таму. Рамонт у ім свежы, але ад колькасці залацістых колераў у інтэр’еры аж мітусіцца ў вачах. Пяць спальняў, пяць санвузлоў, лазня, басейн і два гаражы — прапанова можа захапіць заезжага багатыра, але беларускія мільянеры ўжо маюць сваё жыллё, зробленае на свой густ.
2. $2,2 мільёна — і голыя сцены
Сярод перавагаў — першая берагавая лінія Цнянскага вадасховішча і лес непадалёк. Але перспектыва доўгага рамонту ўсё адно адштурхоўвае.
3. $2,2 мільёна — былая амбасада Індыі
Любімыя кліенты прадаўцоў элітнай нерухомасці — дыпламаты, найлепш — азіяцкія. Яны гатовыя плаціць любыя грошы, прычым заўсёды ў тэрмін. Знайсці такіх выгадных арандатараў складана.
Цікава, што адзін з суседніх дамоў таксама прадаецца і таксама задорага — $2 мільёны.
4. $2 мільёны — рэзідэнцыя ў Раўбічах
Раўбічы, 15 км ад Мінска — а цана ўсё адно не падае ніжэй за два мільёны даляраў. Катэдж у «спартыўнай» вёсцы мае агульную плошчу 595 м2. Выдатная загарадная рэзідэнцыя — 4 спальні, 3 санвузлы, гараж, більярдная і, вядома ж, басейн. А для дзяцей — парк з вялікімі дрэвамі.
5. $2 мільёны — з відам на задні двор «Арэны-сіці»
Гэты катэдж на вуліцы Крупецкай прадаўцы ўжо гатовыя аддаць танней за пачатковую цану, якая складала $2,15 мільёна. Вокны дома выходзяць на задні двор гандлёвага цэнтра «Арэна-Сіці», але месца ўсё адно лічыцца прэстыжным — Дразды ёсць Дразды. Агульная плошча дома складае ўсяго 284 м2. Прадаўцы кампенсуюць дызайнерскім рамонтам у цёмных танах і вулічным басейнам з падагрэвам.
Стабільнасць прапановы і цаны
Каментары