Выдача крэдытаў насельніцтву без даведак аб даходах можа быць забаронена, паведамілі прадстаўнікі некалькіх банкаў.
Паводле слоў банкіраў, прыняцце гэтага рашэння прывядзе да значнага скарачэння аб'ёмаў спажывецкага крэдытавання ў месцах продажаў. «Сёння ў крамах знаходзяцца супрацоўнікі банкаў, яны задавальняюць імпульсны попыт пакупнікоў, калі людзі ўбачылі тавар і жадаюць яго адразу ж купіць. Зразумела, што, калі банкіры запатрабуюць у пакупнікоў даведку аб даходах, апошнія не змогуць задаволіць імпульснае жаданне купіць тавар у крэдыт», — растлумачыў топ-менеджар аднаго з камерцыйных банкаў.
Па стане на 1 студзеня 2014 года завінавачанасць насельніцтва перад банкамі па спажывецкіх крэдытах складала 14,9 трлн рублёў і павялічылася амаль на 45% за мінулы год.
Паводле меркавання экспертаў, планы Нацбанка ўвесці забарону на выдачу крэдытаў насельніцтву без даведак аб даходах могуць быць звязаны з узмацненнем жорсткасці грашова-крэдытнай палітыкі ў пачатку гэтага года. Нагадаем, што ў пачатку 2014-га Нацбанк заявіў пра абмежаванне прыросту крэдытавання эканомікі на ўзроўні 0,7% за месяц.
«З пункта гледжання ўзмацнення жорсткасці грашова-крэдытнай палітыкі разгляданае рашэнне карыснае. Калі мы хочам больш нізкую інфляцыю, аб'ёмы ўнутранага попыту неабходна абмяжоўваць і аб'ёмы крэдытавання зніжаць», — адзначае фінансавы аналітык афіцыйнага партнёра «Альпары» ў Мінску Вадзім Іосуб.
У сваю чаргу, прадстаўнікі некаторых камерцыйных банкаў лічаць, што забарона на выдачу спажывецкіх крэдытаў без даведак аб даходах можа быць абумоўлена імкненнем грашовых улад абмежаваць спажывецкі імпарт.
Эканаміст Беларускага эканамічнага даследча-адукацыйнага цэнтра (BEROC) Дзмітрый Крук у гэтай сувязі мяркуе, што ў выпадку ўвядзення забароны на выдачу крэдытаў насельніцтву без даведак аб даходах рознічныя банкі могуць паспрабаваць абысці гэтае абмежаванне.
«У прыватнасці, гаворка можа ісці аб тым, што банкі будуць крэдытаваць не насельніцтва, а аб'екты гандлю, якія стануць прапаноўваць купіць тавар у растэрміноўку», — мяркуе эканаміст.
Цяпер чытаюць
Расіяне сапраўды сталі часцей купляць нерухомасць у Беларусі? Вось што расказваюць рыэлтары15
Расіяне сапраўды сталі часцей купляць нерухомасць у Беларусі? Вось што расказваюць рыэлтары
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»1111
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»11
Небарака з Ляхавічаў знік «на СВА» ўжо на трэці дзень, а ў барацьбе за грабавыя счапіліся сястра, сужыцелька і жонка — з чатырма дзецьмі, але чужымі88
Каментары