Спартыўны арбітражны суд у Лазане вынес рашэнне па «справе Гутара», у якой галкіпер падаў дакументы на скасаванне кантракту з БАТЭ у аднабаковым парадку і перайшоў у мінскае «Дынама».
Спартыўны суд пастанавіў:
— адмяніць рашэнне футбольнага арбітражу БФФ па спрэчцы паміж ФК БАТЭ і Аляксандрам Гутарам;
— абавязаць Гутара выплаціць ФК БАТЭ 200 000 даляраў + 5% гадавых пачынаючы з 14 студзеня 2013 г., а таксама пакрыць ФК БАТЭ 10 000 франкаў на юрыдычныя і іншыя выдаткі;
— выдаткі на правядзенне судовых слуханняў бакі павінны пакрыць у наступнай прапорцыі: 75% — Аляксандр Гутар, 25% — ФК БАТЭ;
— усе іншыя патрабаванні ФК БАТЭ адхіліць.
У прыватнасці, БАТЭ патрабаваў, каб Аляксандр Гутар выплаціў клубу 500 000 даляраў, а мінскае «Дынама» — 1 500 000 даляраў.
Пры гэтым суд у Лазане прызнаў, што Аляксандр Гутар ў сезоне- 2012 правёў за БАТЭ менш за 10% гульняў. Аднак адзначыў, што галкіпер парушыў працэдуру падачы дакументаў на скасаванне кантракта ў аднабаковым парадку. Гутар не ўклаўся ў 15-дзённы тэрмін пасля заканчэння чэмпіянату краіны, як прадугледжвае рэгламент.
Цяпер чытаюць
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы53
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы
Беларускія абрады, арнаменты і беларуская мова паўсюль. Як нашчадак перасяленцаў зрабіў сяло каля Байкала зноў беларускім, і чаму гэта можа хутка скончыцца1414
Каментары