Еўрапейскі парламент заклікаў краіны — члены ЕС да падрыхтоўкі персанальных санкцый супраць украінскіх чыноўнікаў, заканадаўцаў, алігархаў, якія маюць дачыненне да разгону Майдану і смерцяў актывістаў.
У праекце рэзалюцыі ў прыватнасці прымаюць да ўвагі тое, што ва Украіне ўжо больш за два месяцы працягваюцца пратэсты супраць дзеянняў улады, а незадаволенасць распаўсюдзілася ў рэгіёны.
Выказваецца занепакоенасць тым, што, нягледзячы на міжнародны ціск, украінская ўлада працягвае праводзіць палітыку запалохвання, рэпрэсій, катаванняў і гвалту ў дачыненні да дэманстрантаў.
Адзначана, што любы гвалтоўны разгон дэманстрантаў або надзвычайнае становішча будзе лічыцца крымінальна караным дзеяннем і парушэннем асноўных правоў, будзе мець сур'ёзныя міжнародныя наступствы.
Першым пунктам выказваецца падтрымка ўкраінскага народу, які адстойвае свабодную, дэмакратычную незалежную Украіну і яе еўрапейскую перспектыву.
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося2
Каментары