Калі мы самі не купіліся на першакрасавіцкія жарты іншых СМІ (а сёння часам цяжка было адрозніць дзе праўда, а дзе жарт), то самі напісалі сёння ўсяго дзве жартаўлівыя навіны.
Гэта навіна пра беларускамоўны дапаможнік па гадаванні вожыкаў. Па стане на 22:22 аўторка яна сабрала 19 каментароў.
І навіна пра тое, што Газманаў, «Любэ», Бабкіна і Агуцін праедуць турам па Беларусі з праграмай «Рускія і беларусы — навекі разам». 54 каментары.
А вось навіны аб праекце перабудовы Прывакзальнай плошчы, экалагічна чыстых энергарэсурсах у Кітаі, новай скульптуры ў Верхнім горадзе — зусім не фэйк, як сяму-таму здалося.
Некалькі рэчаў, паважаныя чытачы, у навіне пра Газманава вас павінны былі насцярожыць. Па-першае, 1514 год. Гэта год Бітвы пад Оршай, калі беларусы перамаглі расійскае войска. Дзіўна, каб расіяне святкавалі тут гэтую дату, нават у рамках вялікага канцэрта.
Па-другое, украінскі складнік праекта. Сашко Палажынскі, Тарас Чубай і Орэст Лютый — актыўныя праціўнікі «інтэграцыі з Расіяй», не раз выступалі на Майдане. Чубай і Палажынскі бралі ўдзел у Памаранчавай рэвалюцыі 2004 г.
Аляксандр Палажынскі (лідар гурту «Тартак») у студзені 2014 г. нават увайшоў у Грамадскую Раду Майдану.
На відэа Тарас Чубай (гурт «Плач Ерэміі») спявае падчас Народнага веча 8 снежня самую знакамітую сваю песню «Вона».
Цяпер чытаюць
Яму выбілі чатыры зубы, а пасля выкінулі з краіны. Цяпер былога палітвязня арыштавалі ў Латвіі з шасцю мігрантамі ў машыне4
Каментары