Украінскія сілавікі захапілі 10 блокпастоў у Славянску падчас Антытэрарыстычнай аперацыі. Пра гэта на сваёй старонцы ў Facebook напісаў міністр унутраных спраў Арсен Авакаў.
«Захопленыя палонныя баевікі. Адзін з іх з членскім білетам кампартыі Украіны», — паведаміў Арсен Авакаў.
Акрамя таго, міністр унутраных спраў выставіў патрабаванні АТЦ да ўзброеных сепаратыстаў: неадкладна здаць зброю, неадкладна вызваліць усіх закладнікаў, вызваліць усе захопленыя адміністрацыйныя будынкі, спыніць беспарадкі і пагромы.
Украінская ўлада гатовая амніставаць удзельнікаў грамадзянскага супрацьстаяння і захоп адміністрацыйных будынкаў, якія не здзейснілі цяжкіх гвалтоўных злачынстваў.
«Мы гатовыя весці перамовы з прысутнымі і іх прадстаўнікамі. Але тэрарыстам і ўзброеным сепаратыстам — толькі няўхільная адплата», — напісаў Авакаў.
Цяпер чытаюць
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы79
Каментары