У 2013 годзе ў Беларусі было выпушчана 11.441 найменне кніг і брашур агульным накладам больш за 31 млн асобнікаў.
Такія звесткі прыводзіць Нацыянальны статыстычны камітэт у аглядзе да Дня друку, які адзначаюць 5 мая.
«Немалаважным паказчыкам застаецца экспарт і імпарт гатовай друкаванай прадукцыі», — зазначае Белстат. У 2013 годзе ў параўнанні з 2012 годам экспарт друкаваных кніг і брашур зменшыўся на 12,7%, а экспарт газет, часопісаў і іншых перыядычных выданняў — павялічыўся на 3,4%.
За аналагічны перыяд імпарт названых тавараў павялічыўся адпаведна на 32,1 і 49%.
На рускай мове было выпушчана 9.443 выданні, на беларускай — 1.153.
У 2013 годзе ў адзінкавым варыянце былі выданні на грэчаскай, старажытнагрэчаскай, шведскай, фінскай і літоўскай мовах.
Лідарамі сярод абласцей Беларусі па выпуску кніг і брашур у 2013 годзе сталі Мінск (8.714 адзінак) і Гомельская вобласць (1.065).
Як зазначае Белстат, у краіне з кожным годам павялічваецца гадавы наклад часопісаў і іншых перыядычных выданняў. У 2013 годзе на беларускай мове было выпушчана 14,4% часопісаў і іншых перыядычных выданняў.
Апрача таго, у 2013 годзе выпускаліся: 232 рэспубліканскія газеты; 52 абласныя газеты;132 гарадскія газеты; 118 раённых газет. Усяго было выпушчана 654 найменні (у 2012-м — 662), разавы наклад газет склаў 6,6 млн. асобнікаў (6,5 млн.), гадавы — 455 млн. (467,3 млн.), на 1.000 насельніцтва было выдадзена 700 газет (689).
Цяпер чытаюць
Сёстры Груздзевы драматычна расказалі, як іх выкінуў за дзверы міністр культуры Руслан Чарнецкі. «Як сабак»22
Каментары