Беларускі спявак Тэа (Юрый Вашчук) выйшаў у фінал конкурсу «Еўрабачання».
Другі паўфінал адбыўся сёння, 8 мая, у Капенгагене (удзельнічалі 15 краін).
Дзясятка шчасліўчыкаў (у парадку абвяшчэння): Швейцарыя (Sebalter), Славенія (Цінкара Ковач), Польшча (Клеа), Румынія (Паўла Селінг і Ові), Нарвегія (Карл Эспен), Грэцыя (Фрыкі Форчун - Рыкікід), Мальта (Файрлайт), Беларусь (Тэа), Фінляндыя (Soflengine), Аўстрыя (Канчыта Вюрст).
З першага паўфінала ў фінал выйшлі: Расія, Україна, Арменія, Азербайджан, Чарнагорыя, Венгрыя, Сан-Марына, Швецыя, Нідэрланды, Ісландыя.
Без адбору выступяць у фінале Брытанія, Іспанія, Германія, Італія, Францыя, пераможца мінулага (і гаспадыня сёлетняга «Еўрабачання») Данія.
Раней букмекеры ставілі на перамогу армянскага спевака Арама MP3.
Фінал «пройдзе традыцыйна ў суботу. Пачатак а 22-й.
Беларусь удзельнічае ў Еўрабачанні з 2004 года, у фіналах выступала тройчы: 2007 – Дзмітрый Калдун (6-е месца), 2010 – праект 3+2 (24-е месца), 2013 – Алёна Ланская (16-е месца).
Цяпер чытаюць
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў3
Каментары