Як прыручыць дракона—2
Мультфільм, камедыя, прыгоды, фэнтэзі
Рэжысёр: Дзін ДэБлуа
У ролях (агучка): Джэй Барушэль, Кейт Бланшэт, Джэрард Батлер, Крэйг Фергюсан, Амерыка Ферэра
ЗША, 102 хв.
Прайшло пяць гадоў, як людзі і драконы жывуць у міры і спакоі, забяспечваючы адзін аднаму вясёлае існаванне.
Нехта бавіцца спаборніцтвамі ў палётах на драконах, а нехта, як сын правадыра Ікінг разам са сваім драконам Бяззубікам, даследуе новыя землі. Падчас адной з такіх вандровак яны адкрываюць новы востраў і сутыкаюцца з паляўнічымі, якія жорстка няволяць драконаў. Іх правадыр, Драга Блудвіст, марыць узяць пад уладу ўсіх драконаў у свеце. Ікінг упэўнены, што, калі пагаварыць з Драга, ён зразумее, што з драконамі можна і трэба сябраваць.
Сіквел мультфільма «Як прыручыць дракона» (2010) заснаваны на кнігах англійскай дзіцячай пісьменніцы Крэсінды Коўэл.
Анімацыя другой часткі стала нашмат больш рэалістычнай. Фільм захапляе не толькі дынамічным сюжэтам, але і яркай карцінкай, і відовішчнымі кадрамі палёту. Паболела і драконаў розных відаў і паводзінаў. Сюжэт дастаткова развіты і закручаны, ён будзе цікавы і дзецям, і іх бацькам.
Рэжысёр Дзін ДэБлуа (на яго рахунку, дарэчы, вядомы мультфільм пачатку 2000-х «Ліла і Сціч») плануе зняць трэцюю частку франшызы.
Цяпер чытаюць
Спевака з «Марафону адзінства» асудзілі за палітыку — прыгадалі каментары 2020-га. Бараніць у суд яго хадзілі сёстры Груздзевы15
Каментары