Стралок-Гіркін прызнаў, што ў Данецку падтрымкі мала, і агучыў расцэнкі
Адзін з лідараў тэрарыстаў Ігар Гіркін, ён жа «Стралок» і «Стралкоў», прызнаў, што Данецк не гатовы ваяваць з украінскай арміяй — з тылам і забеспячэннем у сепаратыстаў дрэнна.
Пра гэта расійскі дыверсант, які абвясціў сябе «галоўнакамандуючым» так званай «ДНР», заявіў у эфіры данецкага тэлебачання.
Паводле яго слоў, Данецк зараз знаходзіцца на «мірным становішчы», і яго стан можна параўнаць з падрыхтоўкай да абароны Славянска двухмесяцовай даўнасці.
Таксама «Стралок» сказаў, што на дадзеным этапе абарона Данецка звязана з вялікай колькасцю ахвяр сярод яго баевікоў.
«Мы прымаем штодзённыя меры для таго, каб горад быў гатовы да абароны з пункту гледжання фартыфікацыйнага», — заявіў Гіркін.
Пры гэтым яму крыўдна, што гараджане жывуць мірным жыццём і не вераць, што «ўкраінскія карныя падраздзяленні могуць распачаць масіраваны артылерыйскі агонь і авіяцыйныя ўдары па жылых кварталах».
«Для мільённага горада апалчэння вельмі мала», — сказаў ён, адказваючы на пытанне аб колькасці сіл у прыхільнікаў «ДНР», якую Генпракуратура Украіны прызнала тэрарыстычнай арганізацыяй.
«З тылам ў нас усё дрэнна, дрэнна і з пастаўкай (неабходнага)», — прызнаў Гіркін.
Паводле яго слоў, яму трэба 8—10 тысяч людзей: «Ці каб яны самі прыйшлі, або каб былі прызваныя».
Акрамя таго, як паведамляе РІА «Новості», Гіркін заявіў, што «ДНР» будзе ствараць «кантрактную армію», яе наймітам будуць выплачваць ад 5 да 8 тысяч грыўняў.
«Хацелася б сказаць, што шмат хто гатовы быў бы, відавочна, уступіць у апалчэнне, калі б была гарантыя для сем'яў. Цяпер такая гарантыя будзе, пачынаючы з гэтага месяца, апалчэнцам плануецца выплачваць даволі сур'ёзныя, на па мясцовых мерках, сумы, г.зн. ад пяці да васьмі тысяч грыўняў», — сказаў ён.
«Мы плануем з ліпеня ўвесці аплату… Гэта значыць, мы будзем ствараць кантрактную армію», — заявіў лідар тэрарыстаў, па мянушцы Стралок.
Славянск = Украіна ў Твітары таксама цытуе заяву Гіркіна аб тым, што «ДНР» увядзе «ваеннае становішча» ў раёнах засяроджвання ўкраінскай арміі, а ў Данецку і падкантрольных рэгіёнах будуць створаны «камендатуры».
Цяпер чытаюць
«Мне хацелі кампенсаваць каля 10% ад кошту пагарэлага». Як беларускія прадаўцы на Вайлдберыз вырашаюць вогненныя праблемы6
«Мне хацелі кампенсаваць каля 10% ад кошту пагарэлага». Як беларускія прадаўцы на Вайлдберыз вырашаюць вогненныя праблемы
«Надзея Сцяпанаўна». Мікіта Найдзёнаў апублікаваў паэму, якая нарадзілася ў Жодзінскай турме. Такога паэтычнага эпасу ў беларускай паэзіі ХХІ стагоддзя яшчэ не было66
Каментары