Украінская армія вызваліла Рубежнае, камандзір баевікоў пагражае адпомсціць расійскім палітыкам
«З дзесяці РПГ спрацавала толькі тры!!! Нічога іншага не можам проціпаставіць танкам! Я клянуся, калі застануся жывы, я пастаўлю на калені перад іх [забітых баевікоў] магіламі тых, хто піярыцца на гэтай вайне і будуе сваю палітычную будучыню! Я прымушу пакутаваць тых, хто зарабляе на жыццях хлапцоў, што гінуць за праўду!» — такі адчайны запіс на сайце баевікоў зрабіў камандзір злучэння «Прывід» Аляксей Мазгавы.
Атрад Мазгавога бароніць аточаныя ўкраінцамі Лісічанск і Севераданецк. Пазаўчора ўкраінцы замкнулі колца вакол гэтых гарадоў, а сёння рубяжы абароны тэрарыстаў сталі падаць.
«Сёння я страціў амаль цэлы ўзвод. Хлопцаў проста душылі танкамі», — наракае Мазгавы.
Украінская армія вызваліла Рубежнае і Ваяводаўку. Мазгавы скардзіцца на вычарпанне боепрыпасаў.
Украінскія войскі перарэзалі дарогу, што звязвае Севераданецк і Луганск, 18 ліпеня ўранку. Гэта адбылося ў раёне Славянасербска, пацвердзілі рэсурсы, блізкія да ДНР і ЛНР. Спробы баевікоў прарваць колца поспеху не мелі.
У дадзены момант аблога гарадоў працягваецца.
Баевікі маюць у гарадах моцны гарнізон на чале з палявым камандзірам «Мазгавым». Як і на заходнім флангу ў Славянску і на паўднёвым флангу ў Снежным, на паўночным флангу ў Севераданецку, а таксама ў саміх Луганску й Данецку, ядро штурмавых груп склалі расійскія спецназаўцы.
Севераданецк і Лісічанск маюць вялікае стратэгічнае значэнне. Не толькі таму, што трымаюць з поўначы, у сярэднім цячэнні Северскага Данца, подступы да Данецка і Луганска.
Рэч яшчэ і ў тым, што ў Лісічанску месціцца нафтаперапрацоўчы завод «Роснефті», а ў яго рэзервуарах ёсць значныя рэшткі нафтапрадуктаў. Яны, дарэчы, у выніку баявых дзеянняў загарэліся. Слупы дыму бачныя за 30 км ад месца падзей.
Два дні ўкраінскія артылерыя метадычна абстрэльвала пазіцыі баевікоў на ўскрайкаў аточаных гарадоў.
Цяпер чытаюць
Беларуска ўладкавалася ў кандытарскую краму. Але высветлілася, што за наведванне туалета ёй трэба плаціць31
Каментары