Дзяржавы Захаду да канца не ўсведамляюць ваенную пагрозу, якая сыходзіць ад Расіі, папярэдзіў у інтэрв'ю BNS у панядзелак старшыня Вярхоўнай Рады Украіны Аляксандр Турчынаў.
«Мне здаецца, што менавіта ваенная пагроза, менавіта тое, што ідзе спроба зламаць сусветны парадак, гэта адчуванне, мне здаецца, яшчэ да канца не ўсвядомлена», — сказаў палітык, які ў гэтым годзе некалькі месяцаў выконваў абавязкі прэзідэнта Украіны.
«Усе лічаць, што гэта можна называць лакальным канфліктам, спробамі ўгаварыць, спробамі змяніць сітуацыю,
ў нас кожны дзень льецца кроў, у нас кожны дзень гінуць украінцы, мы бачым жорсткасць, агрэсію, цынізм расійскай арміі», — сказаў Турчынаў.
Ён даў інтэрв'ю BNS у Паланзе, дзе ўдзельнічае ў гадавой сустрэчы старшыняў парламентаў Паўночных і Балтыйскіх краін.
Паводле Турчынава, Расія спрабуе перакрэсліць межы дзяржаў, і гэта ўяўляе пагрозу для бяспекі ўсёй Еўропы.
«Гэта спроба Расіі пасля Другой сусветнай вайны перагледзець межы дзяржаў, гэта спроба разбурыць усе мірныя міжнародныя механізмы, якія створаныя цывілізаванымі краінамі», — сказаў ён.
Цяпер чытаюць
Памятаеце былога памежніка, які стаў дальнабойшчыкам і ў Германіі прызнаваўся ў любові да Лукашэнкі? З ім бяда24
Каментары