Прадстаўнікі самаабвешчаных ДНР і ЛНР удзельнічалі ў перамовах у Мінску ў якасці назіральнікаў і «не з'яўляліся наўпрост ўдзельнікамі трохбаковай сустрэчы».
Пра гэта заявіў спікер «Вярхоўнага савету» «ДНР» Барыс Літвінаў.
Па словах Літвінава, прэм'ер-міністры «ДНР» і «ЛНР» Аляксандр Захарчанка і Ігар Платніцкі «не з'яўляліся наўпрост ўдзельнікамі трохбаковай сустрэчы». «Яны былі сведкамі гэтай справы, я так трактую», — растлумачыў Літвінаў.
Захарчанка, па словах Літвінава, распавёў, што ўдзельнічаў у сустрэчы з павагі да ініцыятыў прэзідэнта Расіі Уладзіміра Пуціна. Прэм'ер «ДНР» «уважліва слухаў, што там адбываецца, і прыняў да ведама тое, пра што дамовіліся тры бакі».
Літвінаў падкрэсліў, што Захарчанка і Платніцкі «распісаліся ў тым, што прынялі да разгляду» пратакол, які выклікае «шмат пытанняў».
«Напэўна, можна разглядаць гэты дакумент як аснову магчымых будучых перамоваў», дапусціў спікер «Вярхоўнага савету» «ДНР», але выконваць усе яго 12 пунктаў цяпер «не ўяўляецца магчымым».
«Я б назваў яго пратаколам аб намерах, па кожным з гэтых пунктаў трэба сядаць і размаўляць», — заявіў Літвінаў.
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося2
Каментары