Егіпет прапануе беларускім будаўнікам прыняць удзел ва ўзвядзенні Суэцкага канала. Пра гэта паведаміў сёння журналістам міністр гандлю Беларусі Валянцін Чаканаў.
«Егіпецкі бок выказаў зацікаўленасць у тым, каб беларускія будаўнікі папрацавалі на будаўніцтве Суэцкага канала. Цяпер ідзе яго рэканструкцыя, плануецца рэалізацыя другой чаргі будаўніцтва канала. У гэтым плане для Беларусі з'яўляюцца вельмі цікавыя перспектывы не толькі па ўзвядзенню самога канала, але і стварэнню там інфраструктуры», - адзначыў міністр.
Валянцін Чаканаў таксама паведаміў, што Беларусь і Егіпет дамовіліся аб супрацоўніцтве ў сферы прамысловасці, сельскай гаспадаркі, навукі, спорту, турызму, аховы здароўя. Была дасягнутая дамоўленасць аб стварэнні рабочай групы па арганізацыі на тэрыторыі Егіпта сумесных прадпрыемстваў па выпуску беларускай аўтатранспартнай тэхнікі. Бакі маюць намер сумесна вывучыць рынкі Беларусі і Егіпта для стварэння сумесных прадпрыемстваў у сферы аховы здароўя. Ёсць цікавыя праекты і ў галіне сельскай гаспадаркі, для рэалізацыі якіх спатрэбіцца пастаўка беларускай сельгастэхнікі.
«Мы прыйшлі да высновы, што дасягнутыя паказчыкі, а гэта каля $ 88 млн таваразвароту, вельмі невялікая лічба. У Беларусі і Егіпта значна большы патэнцыял. Імкненне палепшыць гэты паказчык ёсць па ўсіх напрамках», - паведаміў міністр.
Сёння ў Беларускай гандлёва-прамысловай палаце адбыліся сустрэчы бізнесменаў Беларусі і Егіпта, на якіх былі дасягнуты дамоўленасці аб пастаўках прадукцыі.
Міністр гандлю і прамысловасці Егіпта Мунір Фахры Абдэль-Нур у сваю чаргу адзначыў, што егіпецкі бок прапануе беларускім партнёрам стварыць на тэрыторыі Егіпта сумесныя прадпрыемствы. Для гэтага ў бліжэйшы час будзе створаная працоўная група, якая правядзе даследаванні рынку не толькі Егіпта, але і бліжэйшых краін. «Мы працягнем па гэтых напрамках працу, каб палегчыць узаемны гандаль, умацаваць яе і ўзмацніць. Мы таксама дамовіліся з беларускімі калегамі, што з боку Беларусі будзе аказана садзейнічанне ў правядзенні перамоўнага працэсу паміж Егіптам і краінамі Мытнага саюза аб свабодным гандлі», - паведаміў кіраўнік егіпецкага ведамства.
Цяпер чытаюць
Пашпарты беларусаў, якія галасуюць на выбарах у КР, апрацуе кампанія, у якой апошнюю ўцечку выявілі ў 2026-м, а заснавальнікі — расіяне61
Каментары