І тыдня не прайшло: Павел Вінаградаў зноў затрыманы і яго зноў будуць судзіць
Пра гэта ў Facebook паведаміла жонка Паўла Святлана.
Яна напісала каля 17:00-18:00: «Сёння чацвер. Вы ўжо здагадваецеся, так? Павел пайшоў адзначацца [у міліцыю, ён пад прэвентыўным наглядам — НН], патэлефанаваў і сказаў, што там нейкі дзіўны кіпіш, сувязі з ім няма ўжо каля гадзіны».
Каля 21:00 Святлана ўдакладніла, што муж затрыманы за адміністрацыйнае правапарушэнне, а ў пятніцу — суд у Маскоўскім раёне.
***
26-гадовы Павел Вінаградаў — адзін з фігурантаў крымінальнай справы аб масавых беспарадках у Мінску 19 снежня 2010 года, быў асуджаны на чатыры гады калоніі ўзмоцненага рэжыму, вызвалены ў верасні 2011 г. на падставе ўказа Лукашэнкі аб памілаванні. Як мінімум да 25 кастрычніка будзе знаходзіцца пад прэвентыўным наглядам.
За тры гады Павел неаднаразова затрымліваўся і атрымоўваў адміністрацыйныя суткі. Апошні раз быў затрыманы 11 верасня і асуджаны на 15 сутак, на волю выйшаў 26 верасня.
Усяго на Паўла было заведзена 17 адміністрацыйных справаў, а колькасць сутак, праведзеных за кратамі, налічвае больш за сотню.
Цяпер чытаюць
Колькі беларусаў галасавала за Лукашэнку на ранейшых выбарах? Апублікаваныя закрытыя лічбы дзяржаўных апытанняў18
Каментары