Лаўрэатам прэміі імя Сахарава «За свабоду думкі», якая штогод прысуджаецца Еўрапарламентам, стаў доктар-гінеколаг з Дэмакратычнай Рэспублікі Конга (ДРК) Дэніс Муквеге.
Аб гэтым паведамляецца у аўторак, 21 кастрычніка, на сайце Еўрапарламента.
Рашэнне было прынята аднагалосна. Прэзідэнт Еўрапарламента Марцін Шульц заявіў, што гэта не было рашэннем супраць «Еўрамайдану» — у ліку прэтэндэнтаў былі таксама журналіст Мустафа Наем, спявачка Руслана Лыжычка, актывісткі Лізавета Шчапяцільнікава і журналістка Таццяна Чарнавол. Яны былі запрошаныя на цырымонію ўручэння прэміі, якая пройдзе 26 лістапада на парламенцкай сесіі ў французскім Страсбургу.
59-гадовы Муквеге ў 1998 годзе, падчас вайны ў ДРК, заснаваў бальніцу ў горадзе Букаву, якая спецыялізуецца на лячэнні жанчын, якія падвергліся гвалту. У кастрычніку 2012 года на доктара быў здзейснены замах, у выніку якога загінуў яго целаахоўнік. Муквеге быў вымушаны з'ехаць у Еўропу і вярнуўся ў ДРК толькі ў 2013 годзе.
Прэмія імя расійскага вучонага і праваабаронцы Андрэя Сахарава ўручаецца з 1988 года. Пераможца атрымлівае 50 тысяч еўра. Прэмію двойчы атрымлівалі беларусы — у 2004 г. Беларуская асацыяцыя журналістаў, у 2006 г. — Аляксандр Мілінкевіч.
У 2013 годзе лаўрэатам прэміі стала дзяўчынка-праваабаронца з Пакістана Малала Юсуфзай, якая перажыла замах талібаў. У 2014 годзе яна была ўдастоена Нобелеўскай прэміі міру.
Цяпер чытаюць
Ад сачэння за топ-менеджарамі да пікантных драм ХІХ стагоддзя. Як працуе дэтэктыўнае агенцтва «Рэкс» Аляксандра Азарава8
Ад сачэння за топ-менеджарамі да пікантных драм ХІХ стагоддзя. Як працуе дэтэктыўнае агенцтва «Рэкс» Аляксандра Азарава
Фядута рэзка адказаў Калеснікавай: За што вы змагаліся ў 2020 годзе, не цікавіць нікога, акрамя мядзведзяў з берлінскага заапарка, якія вас атачаюць4848
Каментары