Напярэдадні Дзядоў пад Шаркаўшчынай ўшанавалі памяць жыхароў спаленых у вайну вёсак
Напрыканцы кастрычніка ў Шаркаўшчынскім раёне Віцебскай вобласці прайшла акцыя памяці з удзелам прадстаўнікоў мясцовай улады, грамадскіх арганізацый, мясцовых жыхароў, у тым ліку тых, якім удалося выжыць падчас той страшнай трагедыі.
У лістападзе 1942 года ў Шаркаўшчынскім і суседніх раёнах нямецкія акупанты пры правядзенні карнай аперацыі «Нюрнберг» спалілі больш за 30 вёсак. Загінула каля 3000 мірных жыхароў.
На месцы пахавання ахвяраў у вёсцы Шыці адбыўся жалобны мітынг, далей мерапрыемства працягнулася ў Доме культуры ў вёсцы Ёды. Як паведаміў праваслаўны святар, які прысутнічаў на мерапрыемстве, ахвяры пахаваныя якраз на тым месцы, дзе некалі стаяла праваслаўная царква. Цяпер тут помнік, усталяваны яшчэ ў савецкія часы.
Каментары