Дар'я Домрачава пасля перамогі ў індывідуальнай гонцы 4 снежня.
Беларуская біятланістка Дар'я Домрачава заняла чацвёртае месца ў гонцы пераследу на 10 км, якая прайшла ў шведскім Эстэрсундзе 7 снежня, у заключны дзень першага этапу кубка свету.
Надзея Пісарава заняла 22-е месца, Анастасія Дубарэзава — 34-е сярод 58 біятланістак, якія дабраліся да фінішу.
Узнагароды заваявалі фінка Кайса Мякярайнен (35.01,7; 1+1+0+1), украінка Валянціна Семярэнка (+47,9; 1+0+2+1) і італьянка Даратэя Вірэр (+48,3; 1+1+0+2). Дар'я Домрачава прыйшла да фінішу з вынікам 36 хвілін 10,1 секунды, дапусціўшы пяць промахаў пры стральбе (1+0+3+1).
У агульным заліку кубка свету лідарам з'яўляецца Мякярайнен (162 ачкі), Домрачава — другая (143).
Другі этап кубка свету пройдзе 11—14 снежня ў аўстрыйскім Хохфільцэне.
Цяпер чытаюць
«Калі пасадзяць зноў, то пасяджу». Пачобут пра сваё вызваленне, камеры смяротнікаў, бітву за гонар у судзе і жаданне вярнуцца11
Каментары