Названы верагодны акторскі склад перазапуску «Лаўцоў прывідаў» рэжысёра Пола Фіга.
Культавая дылогія «Лаўцы прывідаў» з Білам Мюрэем, Дэнам Эйкрайдам і Сігурні Уівер у хуткім часе атрымае працяг, у якім галоўнымі героямі стануць жанчыны. Рэю, Ігану, Уінстану і Вэнкману змена пола не пагражае: на іх месца прыйдзе новае пакаленне герояў.
Ролі новых Лаўцоў прывідаў дастануцца сяброўцы рэжысёра Мелісе МакКарці, Крыстэн Уіг, Лэслі Джонс і Кейт МакКінан.
Перамовы не завершаныя, але знаходзяцца ў фінальнай стадыі, сцвярджае The Hollywood Reporter. Студыя Sony вяла перамовы і са славутай Эмай Стоўн, але тая не знайшла часу для фільма, згадвае «Кінапошук».
Рэжыёрам фільма стане Пол Фіг, які добра сябе зарэкамендаваў у камедыях «Копы ў спадніцах» і «Дзявічнік у Вегасе».
Рэжысёр арыгінальнай дылогіі Айвен Райтман адмовіўся працаваць над перазапускам пасля таго, як выканаўца галоўнай ролі Біл Мюрэй не праявіў цікаўнасці да новага фільма. Сам Мюрэй раней казаў, што здымецца ў новых «Лаўцах прывідаў» толькі калі яго персанажа заб’юць у першыя ж секунды.
Сцэнарыстам новага фільма стане Кэці Дыполд, якая раней працавала над «Копамі ў спадніцах». Яна сцвярджае, што перазапуск «Лаўцоў прывідаў» будзе «шалёна смешным і адначасова па-сапраўднаму страшным».
Даты пачатку здымак і выхаду на экраны не ўдакладняюцца. Згона з чуткамі, фільм найхутчэй выйдзе на экраны ў 2016 годзе.
Цяпер чытаюць
Ці магчымы другі Чарнобыль? І што цяпер робяць людзі на той АЭС? Навукоўка адказвае на важныя пытанні5
Каментары