Памерла французская пісьменніца Асія Джэбар, якая прэтэндавала на Нобелеўскую прэмію
У Парыжы памерла пісьменніца з Алжыра Асія Джэбар, вядомая сваімі раманамі аб долі жанчыны ў ісламскім свеце, паведамляе Agence France-Presse.
Джэбар было 78 гадоў, з 1980 года яна жыла ў Францыі. Акрамя літаратуры яна займалася абаронай правоў чалавека ў Алжыры.
Ключавой тэмай твораў Джэбару стала барацьба за эмансіпацыю жанчын у арабскім свеце. Яе раман «Каханне і фантазія», напісаны ў 1985 годзе, увайшоў у спіс «100 лепшых афрыканскіх кніг ХХ стагоддзя», як і раман «Сухі белы сезон» памерлага некалькі гадзін раней пісьменніка з ПАР Андрэ Брынка.
Апошнія гады Асія Джэбар фігуравала ў спісах прэтэндэнтаў на Нобелеўскую прэмію па літаратуры.
Цяпер чытаюць
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»3
Каментары