У кірылічнай даменнай зоне.БЕЛ з’явіўся першы сайт
Патрапіць на сімвалічны сайт можна як па рускім адрасе домены.бел, так і па беларускім — дамены.бел.
ААЦ пры прэзідэнце і УП «Надзейныя праграмы» (hoster.by) пачалі рэгістрацыю даменных імён на кірылічным дамене.БЕЛ. Першы сайт утрымлівае інфармацыю пра парадак рэгістрацыі.
Заяўкі на кірылічныя дамены пакуль не прымаюцца.
Плануецца, што рэгістрацыя даменных імён у зоне.БЕЛ пачнецца ў сакавіку-красавіку і будзе праходзіць у некалькі этапаў. На першым этапе права рэгістрацыі атрымаюць ўладальнікі гандлёвых знакаў і фірмовых найменняў. Затым «прыгожыя» імёны будуць прадавацца на дабрачынных аўкцыёнах. І толькі не раней за кастрычнік 2015 года рэгістрацыя стане агульнадаступнай.
Цана даменаў у зонах.BY і.БЕЛ будзе аднолькавай.
***
Дазвол на працу даменнай зоне.БЕЛ быў атрыманы ад ICANN у верасні 2014 года. Дапускаюцца як рускія, так і беларускія літары ў імёнах сайтаў. Чакаецца, што ў першы год працы на дамене.БЕЛ будзе зарэгістравана каля 20 тысяч імёнаў. Акрамя.БЕЛ існуюць кірылічныя дамены.РФ,.УКР,.СРБ,.МОН і.ҚАЗ.
Каментары