26-ы фестываль беларускай музыкі пройдзе пад Беластокам 17-18 ліпеня.
Арганізатары ўжо рыхтуюць праграму і кансультуюцца наконт візавай падтрымкі, распавяла кіраўнічка Беларускага аб’яднання студэнтаў Ганна Пякарская ў гутарцы з Радыё Рацыя. Неабходнае фэсту фінансаванне ўжо атрыманае.
Фестываль пройдзе 17-18 ліпеня ў традыцыйным месцы — на паляне Борэк каля Гарадка, што недалёка ад беларускай мяжы.
Арганізатары плануюць інтэрактыўную праграму «БАСмежжа», дзе музыкі, слухачы і журналісты змогуць сустрэцца і паразмаўляць, а таксама хочуць зладзіць вялікі мастацкі праект накшталт графіці на адной са сцен у Гарадку.
Фэст вернецца да традыцыйнай конкурснай праграмы, ад якой адмовіўся ў 2009 годзе.
***
«Басовішча» ўпершыню было праведзенае ў 1990 годзе. З цягам часу фэст стаў адной з галоўных пляцовак беларускамоўнай музыкі. З 1992 па 2009 год праводзіўся конкурс маладых гуртоў, сярод пераможцаў якога Znich, Zet,:B:N:, Mauzer і іншыя. Арганізатары намагаюцца прадставіць наведнікам з Беларусі бясплатныя візы.
Цяпер чытаюць
Выйшаў на свабоду былы топ-журналіст АНТ Дзмітрый Семчанка9
Каментары