Беларуса з аўстралійскім пашпартам затрымалі ў Мінску ў канцы 2014 года. У 41-гадовага мужчыны пры сабе знайшлі 1,93 грама какаіну і разавую дозу гашышу. Ён расказаў, у каго набыў наркотыкі. Пасля аператыўнікі спынілі канал пастаўкі наркаты ў Беларусь. У дачыненні да суайчынніка следчыя завялі крымінальную справу.
Цяпер у Следчым камітэце паведамілі, што выявілася датычнасць грамадзяніна Аўстраліі да злачынстваў у сферы арганізацыі паслуг сексуальнага характару.
«Абяцаючы высокія заробкі, зламыснік ўгаварыў 22-гадовую мінчанку займацца прастытуцыяй пад яго заступніцтвам і кантролем, кліентаў пры гэтым шукаў выключна з ліку сваіх знаёмых. Для аказання вышэйзгаданых паслуг сутэнёр асабіста дастаўляў дзяўчыну на здымныя кватэры ў Мiнску, а таксама на тэрыторыю Расійскай Федэрацыі», — адзначылі ў СК.
Мужчына зарэгістраваў з мінчанкай фіктыўны шлюб, каб вывезці яе ў Аўстралію, дзе яна працягвала б займацца прастытуцыяй пад яго кантролем.
Расследаванне працягваецца.
Цяпер чытаюць
Хто забараняе ў Беларусі кнігі — вось гэтыя 22 чалавекі16
Хто забараняе ў Беларусі кнігі — вось гэтыя 22 чалавекі
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары