Вярхоўная Рада Украіны прыняла закон «Аб увекавечанні перамогі над нацызмам у Другой сусветнай вайне 1939—1945 гадоў». Сярод іншага, гэты дакумент уводзіць новае свята — Дзень памяці і прымірэння, які будуць адзначаць 8 мая.
Пры гэтым 9 мая застаецца Днём перамогі і ў далейшым будзе афіцыйным выходным днём.
У афіцыйны дакументаабарот запускаюць выключна тэрмін Другая сусветная вайна, а тэрмін Вялікая айчынная больш не будзе ўжывацца.
Таксама дэпутаты адмянілі выкарыстанне савецкай сімволікі падчас памятных мерапрыемстваў, якія тычацца Другой сусветнай вайны.
У 2011 годзе Вярхоўная Рада асобным законам прызнала сцяг СССР сімвалам перамогі ў Вялікай айчыннай вайне. Гэтая норма больш не будзе дзейнічаць.
Таксама Вярхоўная Рада прызнала байцоў АУН і УПА барацьбітамі за незалежнасць Украіны.
«Згодна з законам, усе асобы, якія бралі ўдзел у барацьбе парамілітарнай, палітычнай, у структурах і арганізацыях, прызнаюцца барацьбітамі за свабоду і незалежнасць Украіны», — заявілі аўтары законапраекта, народны дэпутат з фракцыі Радыкальнай партыі Алега Ляшка Юрый Шухевіч.
Ён адзначыў, што закон ахопіць усіх, хто прымаў удзел у вызваленні Украіны яшчэ да Першай сусветнай вайны, а таксама Легіён украінскіх сечавых стральцоў, Цэнтральную раду і ўсе яе органы, Армію Заходне-ўкраінскай рэспублікі, Паўстанцкія атрады Прыдняпроўя, Карпацкую сеч і Украінскую паўстанцкую армію (УПА), а таксама палітычныя структуры — Арганізацыю ўкраінскіх нацыяналістаў (АУН).
Па словах аўтараў, гэтым законапраектам прызнаецца факт агрэсіі бальшавіцкай Расіі супраць Украіны.
28‑гадовага авіятара асудзілі на 13 гадоў калоніі: «здрада дзяржаве» за перапіску з аднакурснікамі з УСУ11
28‑гадовага авіятара асудзілі на 13 гадоў калоніі: «здрада дзяржаве» за перапіску з аднакурснікамі з УСУ
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»1010
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»10
Небарака з Ляхавічаў знік «на СВА» ўжо на трэці дзень, а ў барацьбе за грабавыя счапіліся сястра, сужыцелька і жонка — з чатырма дзецьмі, але чужымі88
Каментары