400 міль адзіноты.
Адна з асноўных дарог ЗША, U.S. Route 50, працягнулася на 3 тысячы міль (амаль 5 тысяч кіламетраў) ад акіяна да акіяна. Збудаваная ў 1926 годзе, шаша праходзіць як праз некалькі вялікіх гарадоў, так і праз сельскую мясцовасць, горы і пустыні.
Участак шашы ў штаце Невада быў названы часопісам Life «Самай самотнай дарогай Амерыкі». Хаця Life пісаў тое з доляй іроніі, штат Невада стаў выкарыстоўваць такую назву як слоган.
У Невадзе шаша праходзіць праз сотні занядбаных ці закінутых мястэчак, гарадоў-прывідаў і доўгія кіламетры пустэльняў. Большасць часу вандроўнік будзе бачыць толькі горы, пясок і сіняе неба.
Мянушка шашы з’явілася ў часопісе ў 1986 годзе. Праз 11 год Life прысвяціў цэлы нумар «пазваночніку Амерыкі», шашы U.S. Route 50, і яе «самаму самотнаму» адрэзку.
У 1991 годзе «Самая самотная дарога Амерыкі» натхніла Стывена Кінга на раман «Безнадзейнасць».
Цяпер чытаюць
Памерла Святлана Курс. У яе творах спалучаліся магія жывога жыцця і бязлітасны псіхалагізм. А ў публічных выступах і ФБ — рэзкі антыімперыялізм і элегантны лірызм13
Каментары