Пад Ваўчанскам загінуў 40‑гадовы «Зубр» з Аршанскага раёна. Ваяваць за Расію ён пайшоў праз даўгі
Аляксандр Сідарэнка з пазыўным «Зубр» спачатку набраў пазыкаў і прайграў купу грошаў у казіно, а пасля паехаў на вайну супраць Украіны на заробкі. Ягонае цела знайшлі ў лесапаласе на Харкаўшчыне.
Аляксандр Сідарэнка нарадзіўся ў 1986 годзе, паходзіў з Аршанскага раёна.
Вучыўся ў школе ў вёсцы Андрэеўшчына, а пасля працаваў рабочым і кіроўцам на мясцовых прадпрыемствах: у «Штотц Агра-Сэрвіс Міцькаўшчына», на Аршанскай раённай ветэрынарнай станцыі, у кампаніі «Самсувязьбуд», на камбінаце хлебапрадуктаў, хлебазаводзе і ў транспартнай фірме «Відус». Быў жанаты, у яго засталася дачка.
Па звестках Белпола, у Беларусі мужчына меў праблемы з законам праз п'янкі, скандалы і непадпарадкаванне міліцыі. У 2004 годзе яго асудзілі да 80 гадзін грамадскіх работ за хуліганства пасля таго, як у двары дома ў вёсцы Якубава ён ударыў чалавека. А ў 2012‑м прызначылі яшчэ 200 гадзін грамадскіх работ за наўмыснае пашкоджанне чужога аўтамабіля Nissan Primera каля крамы ў Міцькаўшчыне.
З сярэдзіны 2010‑х гадоў Сідарэнка пачаў ездзіць на заробкі ў Расію — жыў у падмаскоўных Сергіевым Пасадзе і Апрэлеўцы, а таксама ў Санкт-Пецярбургу. Працаваў кіроўцам грузавікоў.
У Расіі беларус меў праблемы з грашыма і захапляўся азартнымі гульнямі: браў мікрапазыкі, назапасіў даўгі перад судовымі прыставамі, рэгістраваўся ў анлайн-казіно і быў падпісаны на чаты са стаўкамі на спорт, «сігналамі» для краш-гульняў і крыптаздабычай.
Выправіць фінансавае становішча Аляксандр вырашыў на вайне супраць Украіны. Ён падпісаў кантракт з расійскім войскам, узяў пазыўны «Зубр» і служыў у 82‑м мотастралковым палку УС РФ. Загінуў Сідарэнка на Ваўчанскім кірунку ў Харкаўскай вобласці — па звестках тэлеграм-канала «Харківський напрямок», ягонае цела знайшлі ў лесапаласе побач з пасёлкам Вільча.
Паводле ацэнкі прадстаўніка Аб'яднанага пераходнага кабінета па пытаннях абароны і нацыянальнай бяспекі Вадзіма Кабанчука, усяго ў складзе расійскага войска на захопніцкай вайне ва Украіне загінула ўжо больш за 500 беларусаў. Іх спакусілі абяцанні лёгкага заробку.
Як падлічылі ваенныя эксперты, сярэдні час жыцця расійскага наёмніка на фронце складае некалькі месяцаў, а ў штурмавых падраздзяленнях — некалькі тыдняў.
І заходнія разведкі, і расійскія журналісты ацэньваюць, што ўсяго Расія за чатыры гады вайны страціла больш за 550 тысяч вайскоўцаў забітымі, каля паўтара мільёна былі параненыя.
«Наша Нiва» — бастыён беларушчыны
ПАДТРЫМАЦЬБеларускі кладаўшчык са свастыкай на плячы лячыўся ад алкагалізму ў Сібіры і пайшоў ваяваць за Расію, а застаўся без выплат і працы
«Бульба» з Оршы пайшоў ваяваць за Расію — цяпер сястра шукае яго ці хаця б яго парэшткі
Беларускі рэцыдывіст, які нідзе не працаваў, акрамя калоній, пайшоў ваяваць за Расію. Цяпер у палоне
Хто такая Алеся Пархоменка з Кіпра, якая развязала беларуска-беларускую вайну88
Хто такая Алеся Пархоменка з Кіпра, якая развязала беларуска-беларускую вайну
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1515
Каментары