Палата прадстаўнікоў 9 красавіка ратыфікавала беларуска-расійскі міжурадавы пратакол аб асобных пытаннях прымянення міжнародных дагавораў аб парадку выплаты і залічэння вывазных мытных пошлін (іншых пошлін, падаткаў і збораў, якія маюць эквівалентнае дзеянне) пры вывазе з тэрыторыі Беларусі за межы мытнай тэрыторыі Мытнага саюза (МС) нафты сырой і асобных катэгорый тавараў, выпрацаваных з нафты.
Як паведаміў намеснік міністра эканомікі Беларусі Дзмітрый Кійко, пратакол быў падпісаны 21 кастрычніка 2014 года ў Мінску. Ён закліканы нівеляваць наступствы рэалізацыі Расіяй падатковага манеўра на эканоміку Беларусі.
Пратакол прадугледжвае пералічэнне ў поўным аб'ёме ў бюджэт Беларусі з 1 студзеня па 31 снежня 2015 года сум вывазных мытных пошлін і пені ў далярах ЗША, выплачаных (спагнаных) пры вывазе з Беларусі за межы тэрыторыі МС тавараў, выпрацаваных з нафты.
Пры гэтым Беларусь павінна выконваць узгоднены графік паставак у Расійскую Федэрацыю аўтамабільных бензінаў, адзначыў Кійко.
Нагадаем, сутнасць падатковага манеўра Расіі заключаецца ў рэзкім зніжэнні экспартных пошлін на нафту і нафтапрадукты пры адначасовым павышэнні падатку на здабычу карысных выкапняў.
Падатковы манеўр прывёў да падаражання нафты для Беларусі. Як паведаміў на прэс-канферэнцыі ў Мінску 18 сакавіка старшыня канцэрна «Белнафтахім» Ігар Ляшэнка, каэфіцыент да сусветнай цаны для Беларусі цяпер складае 0,7, летась ён быў ніжэйшы. Пры гэтым даходнасць перапрацоўкі на беларускіх НПЗ у 2015 годзе знізілася і складае каля $10. Летась гэты паказчык быў на ўзроўні $30.
Цяпер чытаюць
Беларуска адначасова мела два грамадзянствы — але даведалася пра гэта толькі ў 21 год. Як так выйшла?1
Каментары