На адкрыцці «ЦЭХа» пакажуць фота, што зрабіла невідушчая дзяўчына
Выстава «Твар, які займае кветку» пакажа, як бачыць свет Наталля Кавалевіч.
На адкрыцці прасторы «ЦЭХ» (вул. Кастрычніцкая, 16) 14 красавіка пройдзе выстава «Твар, які займае кветку».
Выстава дэманструе жыццё і творчасць Наталлі Кавалевіч — дзяўчыны, якая не бачыць ад нараджэння, але заўважае хіба не больш за нас.
Наталля атрымлівае другую вышэйшую адукацыю на дзённым аддзяленні юрыдычнага факультэту БДУ. Дзякуючы мабільнай праграме, якая аналізуе выяву і выводзіць аўдыёдыскрыпцыю, Наталля сур’ёзна захапілася фатаграфіяй.
Экспазіцыя выставы складаецца з дзвюх частак. Першая – гэта фотапрацы Наталлі, якія суправаджаюцца акустычнымі, тактыльнымі і нюхальнымі элементамі ды імкнуцца перадаць адчуванне свету, у якім жыве дзяўчына.
Другая частка – гэта фатаграфіі, мультымедыя Настассі Храловіч, якія апавядаюць пра жыццё Наталлі і працэс стварэння ёю здымкаў пры дапамозе мабільнага тэлефона і спецыяльнай праграмы.
Параллельная праграма выставы прадугледжвае экскурсіі з заплюшчанымі вачыма па экспазіцыі праекту для дзяцей і дарослых, аўтарскія майстар-класы, дзе ўдзельнікі змогуць «выпрабаваць» на сабе досвед сляпога чалавека, інклюзіўныя імпрэзы для дзяцей, лекцыі пра ролю мабільных тэхналогіяў у сучасным жыцці чалавека.
Пачатак 14 красавіка а 7 вечара. Уваход — 25 тысяч. Выстава працягнецца да 14 мая.
Глядзіце таксама: Трымайся, Наташа! — невідушчая дзяўчына вучыцца на юрфаку БДУ
Цяпер чытаюць
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»31
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»
Максім Знак пра прэс-канферэнцыю ва Украіне: Мы дамовіліся не ўздымаць найбольш балючыя тэмы — катаванняў, санкцый, вайны. Можа, мусілі мы па-іншаму зрабіць1010
Каментары