16 ліпеня ў Цэнтральную камісію Рэспублікі Беларусь па выбарах і правядзенні рэспубліканскіх рэферэндумаў (Цэнтрвыбаркам) пададзены дакументы аб рэгістрацыі ініцыятыўнай групы грамадзян па зборы подпісаў выбаршчыкаў па вылучэнні Канаўца Андрэя Уладзіміравіча кандыдатам у прэзідэнты.
Пра гэта паведамляецца на сайце ЦВК.
Кіраўнік ініцыятыўнай групы — Дзмітрый Аляксандравіч Піліпчук.
А. Канаўцу — 36 гадоў, ён зхяўляецца дырэктарам прыватнага ўнітарнага прадпрыемства ў Наваполацку.
Нагадаем, што ў аўторак была зарэгістраваная ініцыятыўная група Аляксандра Лукашэнкі, а ў сераду — Сяргея Калякіна і Сяргея Гайдукевіча.
Мяркуецца, што сёння, як мінімум, будуць пададзеныя дакументы Таццяны Караткевіч (11:00), Анатоля Лябедзькі (14:00) і ініцыятыўнай групы кандыдата ў прэзідэнты на выбарах 2010 г., палітвязня Мікалая Статкевіча (15:00).
Тэрмін падачы дакументаў сканчаецца заўтра, 17 ліпеня. А на наступным тыдні стартуе збор подпісаў.
Пра свае выбарчыя амбіцыі раней заявілі, але пакуль дакументы не падалі, прадстаўнік партыі «Зялёныя» Юрый Шульган, прадпрымальнік Юрый Радзькоў, кандыдат на выбарах 2010 г. Віктар Цярэшчанка, прадпрымальнік Уладзіслаў Цітовіч.
Пятыя прэзідэнцкія выбары ў Беларусі павінна прайсці 11 кастрычніка.
***
На выбарах 2010 г. 19 чалавек заявілі пра свае прэзідэнцкія амбіцыі, але этап рэгістрацыі пераадолелі 10 чалавек: Лукашэнка, Кастусёў, Міхалевіч, Някляеў, Раманчук, Рымашэўскі, Саннікаў, Статкевіч, Ус, Цярэшчанка;
Адмовіліся або не былі зарэгістраваныя, або не здалі подпісы: Барысаў, Гайдукевіч, Глушакоў, Дабратвор, Іваноў, Кулікоў, Правальскі, Рыжоў, Старыкава.
Цяпер чытаюць
Расіяне сапраўды сталі часцей купляць нерухомасць у Беларусі? Вось што расказваюць рыэлтары10
Расіяне сапраўды сталі часцей купляць нерухомасць у Беларусі? Вось што расказваюць рыэлтары
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»1010
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»10
Небарака з Ляхавічаў знік «на СВА» ўжо на трэці дзень, а ў барацьбе за грабавыя счапіліся сястра, сужыцелька і жонка — з чатырма дзецьмі, але чужымі88
Каментары