Службы МНС ліквідавалі асіныя гнёзды ў двух дзіцячых установах у Мінску
Вечарам 27 ліпеня, прыкладна а 18.30, супрацоўнікаў МНС выклікалі на вуліцу Якубава, дзе знаходзіцца школа-інтэрнат «Дзіцячы гарадок Ленінскага раёна Мінска». Там ратавальнікі ліквідавалі асінае гняздо ў падмурку будынка, паведамляе прэс-служба гарадскога ўпраўлення МНС.
У гэты ж дзень, пасля 21.10, выклік паступіў з ясляў-сада №495 па вуліцы Нікіфарава: каля ўваходных дзвярэй у будынак было выяўлена асінае гняздо. У 22.02 работнікі МНС знішчылі яго.
У жніўні восы становяцца найбольш агрэсіўнымі і могуць уяўляць небяспеку для людзей, якія пакутуюць алергіяй, а тым больш для дзяцей. У МНС раяць гараджанам, якія выявілі асіныя гнёзды, звяртацца ў ЖЭС.
МНС займаецца ліквідацыяй такіх гнёздаў ва ўстановах адукацыі, медустановах і грамадскіх месцах.
Каментары