Неўзабаве вяшчанне ў Беларусі пяройдзе на больш зручны фармат — 16:9, які адпавядае цяперашнім прыладам. Пра гэта сёння паведаміў першы намеснік міністра сувязі і інфарматызацыі Дзмітрый Шадко падчас анлайн-канферэнцыі на сайце Белтэлерадыёкампаніі.
«Сапраўды, фармат 16:9 больш сучасны, у якім тэлебачанню больш камфортна працаваць, атрымліваецца больш якасны прадукт, які адпавядае сучасным прыладам. Сёння ў нас ёсць афіцыйнае даручэнне ўрада сумесна з тэлекампаніямі да канца года адпрацаваць пытанне сінхроннага пераходу. У Беларусі ёсць некалькі кампаній, якія ажыццяўляюць асноўнае вяшчанне, пажадана, каб яны гэта зрабілі адначасова, інакш паўстануць пэўныя тэхнічныя складанасці. У прынцыпе гэтае пытанне ў працэсе рашэння», — адзначыў Дзмітрый Шадко.
Ён таксама падкрэсліў, што адмова ад аналагавага вяшчання прайшла своечасова і спакойна. Шырокаэкранны фармат 16:9 выкарыстоўваецца ў тэлебачанні высокай выразнасці (HDTV) і пры лічбавым вяшчанні тэлебачання стандартнай выразнасці. З'яўляецца стандартнымі суадносінамі бакоў экрана ў тэлевізарах з шырокім экранам і найбольш распаўсюджаным у сучасных камп'ютарных маніторах.
Цяпер чытаюць
Лукашэнка расказаў пра забойства апазіцыянера, якое нібыта адбылося тры дні таму18
Каментары