Аляксандр Лукашэнка сёння дае інтэрв'ю прадстаўнікам трох недзяржаўных сродкаў масавай інфармацыі. Запрошаны прадстаўнікі TUT.BY, Еўрарадыё і радыё «Свабода».
На пытанне Еўрарадыё пра тое, ці змог бы Лукашэнка-апазіцыянер 1994 года перамагчы на выбарах Лукашэнку-прэзідэнта 2015 года, кіраўнік дзяржавы адказаў:
«Тады яшчэ больш жорстка было. Тады заплацілі людзям і сказалі: «Вось так павінна быць». Але тады людзі валам ішлі за Лукашэнку галасаваць. Тады яшчэ больш жорстка лічылі. Не ў гэтым справа. Сітуацыя іншая і знешняя, і ўнутраная. Але наўрад ці б я перамог, калі б цяпер быў на іх месцы. Таму што людзі многае зразумелі. Цяпер людзі маюць, што губляць. Ніхто не хоча жыць у краіне, якая ваюе».
Лукашэнка сказаў, што цяперашняя апазіцыя «занадта далёкая ад народа»: «Ужо занадта далёкія яны ад народа. І вы ж не верыце ў сваю перамогу — усюды пішаце, што Лукашэнка пераможа. Нават тыя, хто хацеў супраць мяне змагацца, думаюць: «Ну, Лукашэнка пераможа».
А калі гаворка зайшла пра дэбаты, Лукашэнка сказаў: «Назавіце прозвішча. Пра што я з імі буду гаварыць? Кебіч быў прэм'ерам і ён «знізашоў» да таго каб з Лукашэнкам дэбатаваць. Пра што мне гаварыць з Някляевым? Я не баюся з імі сесці і абмяркоўваць штосьці».
Блогер Сярога з Расіі прыехаў на Зыбіцкую з каханай блогеркай Анечкай. Вынік: збіты ім беларус у коме, а Сярога на 5,5 года за кратамі10
Каментары