У «ДНР» з'явіўся свой мабільны аператар. Пры гэтым там глушаць званкі з МТС
На акупаванай тэрыторыі Данецкай вобласці запускаюць мабільную сувязь, з якой нельга тэлефанаваць іншым аператарам.
Пра гэта паведаміў кіраўнік міліцыі Данецкай вобласці Вячаслаў Аброськін ў сваім Facebook.
«У так званай «ДНР» пачалі распаўсюджваць стартавыя пакеты сваёй мабільнай сувязі «Фенікс». «Рэспубліканскі мабільны аператар «Фенікс» быў створаны баявікамі на базе захопленага абсталявання «Кіеўстар», — паведаміў ён.
Паводле Аброськіна, жыхарам акупаваных баевікамі «ДНР» тэрыторый прапанавалі набыць 5 тысяч карт, якія можна будзе выкарыстоўваць у тэставым рэжыме да 1 кастрычніка 2015 года.
«На думку мясцовых жыхароў, гэта робіцца для стварэння татальнага кантролю за імі з боку «спецслужбаў ДНР», — дадаў Аброськін. «Як і ўсё ў маладой рэспубліцы, функцыі «Фенікса» абмежаваныя — недаступная паслуга СМС і званкі на тэлефоны іншых аператараў. Таксама ёсць асаблівасць — пры набыцці неабходны пашпарт і ідэнтыфікацыйны нумар», — падкрэсліў ён.
Ён таксама адзначыў, што на акупаванай баевікамі тэрыторыі Данецкай вобласці пагаршаецца якасць сувязі МТС.
«Мясцовыя жыхары тлумачаць гэта тым, што тэрарысты праводзяць пастаянны маніторынг радыёэфіру, а таксама мэтанакіравана ствараюць радыёперашкоды перамяшчэннямі ваенных машын «ДНР» з антэнамі і радыёлакацыйнымі ўстаноўкамі», — напісаў Аброськін.
«Мэта падобных дзеянняў відавочная — абмежаваць зносіны жыхароў акупаванай часткі са знешнім светам, стварыць інфармацыйны вакуум, які запаўняецца прапагандай ілжэпрарокаў фэйкавай рэспублікі і іх паслугачоў», — падкрэсліў ён.
Паведамляецца пры гэтым, што call-цэнтры новага аператара зарэгістраваныя на тэлефоны іншых аператараў.
Цяпер чытаюць
28‑гадовага авіятара асудзілі на 13 гадоў калоніі: «здрада дзяржаве» за перапіску з аднакурснікамі з УСУ16
28‑гадовага авіятара асудзілі на 13 гадоў калоніі: «здрада дзяржаве» за перапіску з аднакурснікамі з УСУ
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»1010
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»10
Небарака з Ляхавічаў знік «на СВА» ўжо на трэці дзень, а ў барацьбе за грабавыя счапіліся сястра, сужыцелька і жонка — з чатырма дзецьмі, але чужымі88
Каментары