Служба аховы дзяржаўнай мяжы Літвы адмовіла ў праездзе на тэрыторыю краіны расійскаму грамадзяніну, чый аўтамабіль быў упрыгожаны савецкай сімволікай, паведамілі ў ведамстве.
Паводле паведамлення, аўтамабіль з расійскімі нумарамі быў спынены ў панядзелак днём на памежным пераходзе Бардзіна. На машыне была налепка з пяціканцовай чырвонай зоркай, сярпом і молатам.
Публічная дэманстрацыя савецкай сімволікі ў Літве забароненая.
Памежнікі прапанавалі кіроўцу зняць налепку або працягнуць свой шлях пешшу. Аднак ён адмовіўся і вярнуўся ў Калінінградскую вобласць.
Дэманстрацыя або распаўсюджвання нацысцкай і камуністычнай сімволікі пагражае ў Літве штрафам ад 144 да 289 еўра.
Цяпер чытаюць
Па падазрэнні ў забойстве цяжарнай мінчанкі затрымалі хакейнага суддзю Аляксея Гаўрылёнка4
Каментары