З 1 верасня ў Беларусі падаражаюць некаторыя маркі цыгарэт. Новыя цэны на тытунёвыя вырабы на сваім сайце апублікавала Міністэрства па падатках і зборах. Цэннік паднімецца на 700-1200 рублёў.
З наступнага месяца падаражэюць тры маркі цыгарэт — COOPER Bio-filter, Velvet і Oscar.
Так, цыгарэты маркі Oscar (Gold, Silver, Blue, Gold superslims, Silver superslims, Gold compact і Oscar Silver compact) падаражэюць з 1 верасня на 700 рублёў — да 12 300 рублёў.
Цыгарэты Cooper Bio-filter стануць даражэйшымі на 1200 рублёў — да 12 500 рублёў. Цыгарэты маркі Velvet вырастуць у цане на 700 рублёў і будуць каштаваць 12 100 рублёў.
Адзначым, што ў апошні раз некаторыя маркі цыгарэт даражэлі на 1000 рублёў з 1 жніўня.
Беларускія тытунёвыя кампаніі могуць кожны месяц усталёўваць новыя максімальныя кошты на сваю прадукцыю.
Каментары