Абраны 2 сакавіка прэзыдэнт РФ Дзьмітрый Мядзьведзеў у часе тэлефоннай размовы з Аляксандрам Лукашэнкам атрымаў запрашэньне наведаць зь візытам Беларусь. Запрашэньне было з удзячнасьцю прынятае, паведамілі 5 сакавіка расейскія СМІ з спасылкай на прадстаўніка апарату першага віцэ-прэм’ера РФ.
Тэлефонная размова адбылася па ініцыятыве беларускага боку. Лукашэнка павіншаваў Мядзьведзева зь пераканаўчай перамогай на выбарах, а таксама абмеркаваў зь ім актуальныя пытаньні двухбаковага супрацоўніцтва й узаемадзеяньня на міжнароднай арэне. Спэктар закранутых тэмаў — ад эканомікі да абароны.
Бакі дамовіліся больш грунтоўна абмеркаваць гэтыя ды іншыя пытаньні ў часе візыту Мядзьведзева ў Беларусь.
Адзначым, што на наступны дзень пасьля абраньня Мядзьведзева прэзыдэнтам, ён заявіў, што свой першы замежны візыт у якасьці кіраўніка дзяржавы зробіць у адну з краінаў СНД. У якую менавіта, не сказаў.
-
Беларус пасля смерці жонкі застаўся адзін з дзецьмі. Іх у яго 12, але ён добра дае рады
-
«Запрасіў мяне на спатканне і прыехаў на яго з пакетам памідораў замест кветак». Што ўспамінаюць пра Яна Памедора Рэуцкага, адміна шматтысячнай суполкі беларусаў Польшчы
-
Яшчэ каля 400 гектараў зямлі на Гомельшчыне больш не лічацца радыеактыўнымі
Цяпер чытаюць
Малодшы сын Сахашчыка абвешчаны зніклым без вестак. Выглядае, ён ваяваў за Расію81
Каментары