У Будапешце сотні мігрантаў зладзілі акцыю пратэсту побач з чыгуначным вакзалам Келеці, размешчаным ва ўсходняй частцы венгерскай сталіцы. Вакзал быў ачэплены паліцыяй, якая спрабавала не дапусціць мігрантаў да цягнікоў, што ідуць у суседнія з Венгрыяй краіны ЕС.
Раніцай паліцыя выцесніла мігрантаў з тэрыторыі вакзала. Але яны не разышліся, а зладзілі дэманстрацыю побач з вакзалам, скандуючы «Германія!» і трымаючы ў руках чыгуначныя квіткі.
Прадстаўнікі венгерскіх уладаў сцвярджаюць, што ўрад спрабуе аднавіць парадак і дзейнічае ў адпаведнасці з законамі і правіламі ЕС.
Раней венгерскія ўлады, паводле паведамленняў, адмовіліся ад рэгістрацыі мігрантаў у адпаведнасці з правіламі ЕС, згодна з якімі ўцекачы павінны прасіць прытулку ў першай жа краіне ЕС, на тэрыторыю якой яны патрапілі.
Аўстрыйская паліцыя заявіла, што ў панядзелак у Вену прыбылі з Венгрыі 3650 мігрантаў. Большасць з іх накіроўваюцца ў Германію.
Тым часам канцлер Германіі Ангела Меркель заклікала да «больш справядлівага» размеркавання мігрантаў паміж краінамі Еўропы.
Цяпер чытаюць
Бабарыка: Не могуць здымацца санкцыі з прадпрыемстваў і людзей, задзейнічаных у вайне. Выпусціце палітвязняў цаной забойства ўкраінцаў?26
Бабарыка: Не могуць здымацца санкцыі з прадпрыемстваў і людзей, задзейнічаных у вайне. Выпусціце палітвязняў цаной забойства ўкраінцаў?
Максім Знак пра прэс-канферэнцыю ва Украіне: Мы дамовіліся не ўздымаць найбольш балючыя тэмы — катаванняў, санкцый, вайны. Можа, мусілі мы па-іншаму зрабіць88
Каментары