16 верасня ў Мінску, на 2-м паверсе ГЦ АЛМІ, што месціцца ля студэнцкага гарадка адкрыецца самы вялікі скаладром у Беларусі — «Трапецыя».
Скаладром — штучнае збудаванне для скалалажання. Скалалажанне дапамагае развіваць усе цягліцы цела. Гэта вельмі цікавы і развіваючы спорт, які дапаможа вам упэўнена адчуваць сябе ва ўмовах гор.
Мы пагутарылі з дырэктарам па развіццю Юрыем Якаўлевым пра даступнасць скаладрому і яго асаблівасці.
«Асаблівасць нашага скаладрому ў тым, што ён вельмі даступны», — распавядае Юра. «У нас аптымальныя цэны, і мы працуем штодня з 10:00 да 23:00»
Скаладром падзелены на тры часткі: звычайны са страхавым матрацам, дзіцячы і складаная частка з ухіламі. Таксама, у залежнасці ад нумару і колеру вызначаецца складанасць праходжання «скал».
Стандартная скала мае вышыню каля 4,2 м. Самыя цяжкія — 6 м.
Што тычыцца цэнаў, то ў дзень адкрыцця ўваход на ўвесь дзень будзе каштаваць 100 тыс. У далейшым, да 31 кастрычніка, — 150 тыс.
«Тым, хто прыйдзе першы раз, будзе цяжка разабрацца. Мы рэкамендуем не рызыкаваць і ўзяць дапамогу трэнера. Таксама вам спатрэбіцца спецыяльны абутак для заняткаў. Да 31 кастрычніка вы можаце цэлы дзень вучыцца з трэнерам у спецыяльным абутку за 250 тысяч», — кажа дырэктар. Ад пачатку лістапада кошты стануць вышэйшымі.
«Паколькі ў нас ёсць дзіцячая зона, мы плануем ладзіць святкванні дней народзінаў і іншых мерапрыемстваў. Таксама будзе магчымасць запрашаць аніматара на святы».
Афіцыйнае адкрыццё адбудзецца 16 верасня — з 13:00 да 23:00.
Цяпер чытаюць
Пасля знікнення спікеркі Мельнікавай няма доступу да рахункаў Каардынацыйнай рады24
Каментары