У Цэнтравыбаркаме не зьбіраюцца ўдакладняць, пра які аўтамабіль Аляксандра Лукашэнкі казала дыктарка БТ.
Распавядаючы пра ўдзел Аляксандра Лукашэнкі ў адкрыцьці першага ўчастка другой кальцавой аўтадарогі, дыктарка БТ сказала:
«Сёньня пачаў працаваць першы ўчастак другой кальцавой аўтадарогі вакол Менску. У цырымоніі адкрыцьця ўзяў удзел кіраўнік дзяржавы і на справе апрабаваў якасьць новай дарогі. За рулём свайго ўласнага аўтамабіля зьдзейсьніў азнаямленчую паездку».
Як ставяцца да гэтага ў ЦВК? Бо ў дэклярацыі кандыдата ў прэзыдэнты Лукашэнкі аўтамабіль не пазначаны. Сакратар ЦВК Мікалай Лазавік так пракамэнтаваў сытуацыю карэспандэнту Свабоды:
— Я глядзеў гэты сюжэт. Па-мойму, там не было сказана, што за рулём свайго асабістага аўтамабіля. Там было сказана — сам, знаходзячыся за рулём аўтамабіля, зрабіў гэтую паездку.
— Гэта якраз было сказана дыктарам — «за рулём свайго ўласнага аўтамабіля».
— А ў дэклярацыі што, там няма аўтамабіля?
— Не.
— Ну, не гатовы адказаць на гэтае пытаньне. Ёсьць там ці няма ў яго асабістага аўтамабіля. Магчыма, дыктар памыліўся. Па-мойму, у яго там цэлы гараж ёсьць аўтамабіляў. Любы выбірай, кожны дзень можна новы. Шэйман падрыхтуе, і ключ у замок запальваньня ўставіць.
— Але калі кажуць пра ўласны аўтамабіль…
— Гэта трэба спытаць у дыктара, адкуль ён узяў, што гэта ўласны аўтамабіль.
— А ваша камісія будзеце разьбірацца?
— А на якой падставе мы будзем разьбірацца? У нас няма такога афіцыйнага дакумэнта, які прымушаў бы нас гэта пераправяраць.
Цяпер чытаюць
Стала вядомае імя другой беларускі, якая згінула пад селем у Непале. Гэта 24‑гадовая Ірына з журфака БДУ1
Стала вядомае імя другой беларускі, якая згінула пад селем у Непале. Гэта 24‑гадовая Ірына з журфака БДУ
Электронную «Беларускую энцыклапедыю», створаную як прастору «верагодных ведаў пра Беларусь», ціха ліквідавалі разам з рэдакцыяй. Купу артыкулаў перадалі Гігіну55
Каментары