Несупадзенне звестак па колькасці тых, хто прагаласаваў, праверыць немагчыма
Колькасць грамадзян, якія прышлі на датэроміновае галасаванне, у назіральнікаў кампаніі «Права выбару-2015» і ў выбарчых камісій адрозніваецца прыблізна на 5,5% штодзень.
Напрыклад, па інфармацыі назіральнікаў з 626 выбарчых участкаў туды ў другі дзень галасавання прыйшло 54 527 чалавек, а камісіі кажуць пра 57 541 чалавек. Разыходжанне з афіцыйнымі звесткамі складае 3014 чалавек, альбо 5,5 %. Такая ж сітуацыі нібыта была і на трэці дзень галасавання: назіральнікі кажуць пра 69 212 чалавек, якія прыйшлі галасаваць на 624 участкі, а камісіі з тых жа ўчасткаў кажуць пра 72 924 чалавекі. Разыходжанне ў 3 712 чалавек, альбо 5,4 %.
Ці ёсць механізмы, каб праверыць — хто насамрэч правы ў гэтай сітуацыі, цікавіцца Еўрарадыё ў сакратара ЦВК Мікалая Лазавіка.
Лазавік: «Галасаванне тайнае і таму складана потым шукаць, хто правы, а хто вінаваты. Мы павінны кіравацца патрабаваннямі закона. Так вось – такі механізм у законе не прапісаны».
Тым не менш, Мікалай Лазавік прызнае: неадпаведнасць фактычнай колькасці выбаршчыкаў, якія прыйшлі галасаваць, і прадстаўленай выбарчай камісіяй інфармацыі — парушэнне. За якое прадугледжаная адказнасць. Іншая справа, што як вынікае з яго папярэдніх слоў, даказаць гэта парушэнне практычна немагчыма.
Дарэчы, калі па краіне несупадзенне лічбаў складае прыблізна 5,5%, то ў Мінску — звыш 11%. Так, агульная лічба грамадзян, якія прышлі на 122 выбарчых ўчасткі ў трэці дзень датэрміновага галасавання, дзе назіральнікі «Права выбару-2015» робяць неперарыўны падлік выбарцаў, склала 10 688 чалавек. Па дадзеных камісій на гэтых жа ўчастках прагаласавала 11 941 чалавек. Разыходжанне з афіцыйнымі звесткамі склала 1 253 чалавекі, альбо 11,7%. У другі дзень галасавання лічбаў назіральнікаў і камісій разыходзіліся на 1091 чалавек, ці 11%.
***
Нагадаем, у кампанію па назіранні за выбарамі «Права выбару-2015» уваходзяць восем арганізацый: Беларуская сацыял-дэмакратычная партыя (Грамада), Беларуская Хрысціянская Дэмакратыя, «Гавары праўду!», «Рух «За Свабоду!», Партыя БНФ, Беларуская партыя «Зялёныя», незалежны прафсаюз Радыёэлектроннай прамысловасці, аргкамітэт Партыі Свабоды і прагрэсу.
28‑гадовага авіятара асудзілі на 13 гадоў калоніі: «здрада дзяржаве» за перапіску з аднакурснікамі з УСУ11
28‑гадовага авіятара асудзілі на 13 гадоў калоніі: «здрада дзяржаве» за перапіску з аднакурснікамі з УСУ
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»1010
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»10
Небарака з Ляхавічаў знік «на СВА» ўжо на трэці дзень, а ў барацьбе за грабавыя счапіліся сястра, сужыцелька і жонка — з чатырма дзецьмі, але чужымі88
Каментары