Прэзідэнт РФ Уладзімір Пуцін накіраваў віншавальную тэлеграму Аляксандру Лукашэнку з нагоды перавыбрання на пасаду прэзідэнта Рэспублікі Беларусь. Пра гэта паведамляе прэс-служба Крамля.
У тэлеграме Пуцін падкрэсліў, што «пераканаўчая перамога Лукашэнкі на выбарах сведчыць пра высокі палітычны аўтарытэт і давер з боку насельніцтва, а таксама пра актыўную падтрымку курсу на далейшае сацыяльна-эканамічнае развіццё краіны».
Кіраўнік расійскай дзяржавы выказаў упэўненасць, што дзяржаўная дзейнасць Лукашэнкі будзе спрыяць развіццю расійска-беларускага стратэгічнага партнёрства, умацаванню Саюзнай дзяржавы, нарошчванню супрацоўніцтва ў рамках Еўразійскага эканамічнага саюза, Садружнасці незалежных дзяржаў і іншых міжнародных структур.
Прэзідэнт РФ таксама пацвердзіў настрой на працяг канструктыўнай сумеснай працы на карысць брацкіх народаў дзвюх краін.
Каментары