Дзесяць гульцоў зборнай Эрытрэі па футболе адмовіліся вяртацца дадому пасля матчу ў Батсване і папрасілі там палітычнага прытулку.
Футбалісты былі затрыманыя ботсванскай паліцыяй пасля таго, як яны вырашылі не садзіцца ў самалёт, які выконваў зваротны рэйс. Гэта здарылася на наступны дзень пасля адборачнага матчу да чэмпіянату свету па футболе 2018 года.
Прадстаўнік Футбольнай асацыяцыі Батсваны заявіў, што цяпер трэба будзе высветліць, чаму 10 футбалістаў з Эрытрэі адмовіліся ехаць разам з іншымі членамі сваёй каманды.
За апошнія гады спартсмены з Эрытрэі некалькі разоў прасілі прытулку ў іншых афрыканскіх краінах.
У 2013 годзе Уганда дала прытулак 15 членам нацыянальнай футбольнай зборнай Эрытрэі, а таксама доктару каманды, якія годам раней зніклі пасля выязнога матчу.
У 2009 годзе эрытрэйскі футбалісты прасілі прытулку ва ўладаў Кеніі, а ў 2011 годзе - у Танзаніі.
ААН абвінавачвае ўлады Эрытрэі ва ўжыванні катаванняў і выкарыстанні рабскай працы, аднак улады краіны гэта адмаўляюць.
Цяпер чытаюць
Хто такі Мацвей Бяляй, якога нібыта дэпартавалі ў Беларусь? Расказваем гісторыю дзіўнага актывіста з падазроным мінулым2
Каментары