Украіна абраная непастаянным сябрам Рады Бяспекі ААН на 2016—2017 гады.
За такое рашэнне прагаласавалі 177 краін з 193 сяброў Генасамблеі ААН.
Украіна ўжо тройчы абіралася ў склад непастаянных сяброў Рады бяспекі ААН, апошні раз у 2001—2002 гг.
Раней кіраўнік МЗС Павел Клімкін заяўляў, што пазіцыя Кіева падчас працы Рады бяспекі «дакладна не будзе прымірэнчая» ў дачыненні да Расіі, якая з'яўляецца пастаянным сябрам гэтага органа.
«Абранне ў Раду Бяспекі з'яўляецца асабліва важным для нас на фоне расійскай агрэсіі. Упершыню мы атрымалі абсалютна унікальную сітуацыю, якую нельга было ўявіць, што пастаянны сябра Рады бяспекі — гэта агрэсар, які вядзе гібрыдную вайну супраць Украіны», — сказаў Клімкін.
Акрамя Украіны статус непастаяннага сябра Рады бяспекі ААН таксама атрымалі Японія, Егіпет, Сенегал і Уругвай.
Новыя непастаянныя сябры Рады бяспекі пачнуць выконваць свае абавязкі 1 студзеня 2016, замяніўшы сабой Чад, Чылі, Іарданію, Літву і Нігерыю.
У Раду Бяспекі ААН ўваходзяць 15 краін. Пастаяннымі сябрамі арганізацыі з'яўляюцца толькі пяць з іх: Вялікабрытанія, Кітай, Расія (як правапераемніца СССР), ЗША і Францыя. Яны таксама маюць права вета падчас галасавання.
Цяпер чытаюць
«Анліфаншчыца з Пінска» кажа, што яна не анліфаншчыца і не ў рабстве ў М'янме9
Каментары