Лукашэнка павіншаваў Мітрапаліта Філарэта: Вашы вопыт, жыццёвая мудрасць, аптымізм запатрабаваныя і сёння
Аляксандр Лукашэнка павіншаваў Мітрапаліта Філарэта, пачэснага Патрыяршага Экзарха ўсяе Беларусі з 50-годдзем архірэйскай хіратоніі, паведамляе president.gov.by.
«Усё сваё жыццё Вы прысвяцілі пропаведзі праваслаўных каштоўнасцей, умацаванню веры і выхаванню падрастаючага пакалення ў традыцыях хрысціянскай любові, духоўнасці і міласэрнасці, — гаворыцца ў віншаванні. — Вы з’яўляецеся адным з самых аўтарытэтных іерархаў у праваслаўным свеце. Ваша самаадданая дзейнасць была і застаецца прыкладам нястомнага служэння ідэалам міру і чалавекалюбства. У Беларусі высока цэняць вынікі Вашай працы па развіцці сацыяльнага служэння Царквы, захаванні традыцый верацярпімасці і міжканфесійнага дыялогу».
З сардэчнай цеплынёй, павагай і ўдзячнасцю ставяцца да Мітрапаліта Філарэта вернікі. «Вы заўсёды былі добрым пастырам і настаўнікам для кожнага, хто звяртаўся за парадай і падтрымкай. Вашы вопыт, жыццёвая мудрасць, аптымізм запатрабаваны і сёння», — адзначаецца ў віншаванні.
Цяпер чытаюць
Лукашэнка: Пры цяперашнім цячэнні вайны Беларусь з Расіяй не змаглі б абараніць беларускай мяжы ад Украіны10
Каментары