У сувязі з тэрактамі ў Парыжы на знешніх межах Еўрасаюза пачынаецца рэалізацыя мер па ўзмацненні бяспекі.
Дзяржаўная служба аховы мяжы Літвы праінфармавала аб гэтых мерах беларускі бок.
Як паведаміў прэс-сакратар Дзяржаўнага пагранічнага камітэта Беларусі Аляксандр Цішчанка, прадугледжваецца ў тым ліку ўзмацненне мер кантролю ў пунктах пропуску. Паводле яго слоў, гэта прывядзе да павелічэння часу на праходжанне мяжы і паўплывае на фарміраванне чэргаў. Мяркуецца, што падобныя меры бяспекі будуць прынятыя не толькі Літвой, але і Латвіяй і Польшчай — краінамі Еўрасаюза, з якімі таксама мяжуе Беларусь.
У сваю чаргу, органы пагранслужбы Беларусі «таксама пачынаюць прымаць меры па ўзмацненні аховы мяжы на важных напрамках», сказаў Цішчанка.
У сітуацыі, якая склалася, па словах прэс-сакратара пагранведамства, галоўнай рэкамендацыяй грамадзянам з'яўляецца адмова ад паездак у сумежныя краіны ЕС. Калі гэта зрабіць немагчыма, варта выбіраць кірунак і пункты пропуску для перасячэння мяжы, зыходзячы з інфармацыі аб чэргах на сайце Дзяржпагранкамітэта.
Цяпер чытаюць
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў34
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1414
Каментары