Нямецкая паліцыя расследуе спробу нападу на абаронную кампанію пасля таго, як невядомыя зламыснікі кінулі запальныя прылады на будаўнічую пляцоўку перад штаб-кватэрай Rohde & Schwarz у Мюнхене, піша «Еўрапейская праўда».
Каля поўначы ў Мюнхене на будаўнічую пляцоўку перад штаб-кватэрай тэхналагічнай кампаніі Rohde & Schwarz з аўтамабіля былі кінутыя запальныя прылады.
Адна з іх загарэлася каля будаўнічых кантэйнераў перад офісам кампаніі.
На месца здарэння неадкладна прыбыў паліцэйскі патруль, які патушыў пажар. У выніку пажару ніхто не пацярпеў, полымя не дайшло да памяшканняў кампаніі.
На месцы здарэння ратавальнікі знайшлі яшчэ адну запальную прыладу, якая не выбухнула. Яе абясшкодзілі спецыялісты Баварскага дзяржаўнага ўпраўлення крымінальнай паліцыі.
Падчас пошукаў паліцыя затрымала двух падазраваных на бліжэйшай запраўцы. Паводле звестак паліцыі, гэта 28‑гадовая жанчына і 38‑гадовы мужчына. Абодва — грамадзяне Балгарыі.
Іх сувязь з інцыдэнтам пакуль не ўстаноўленая. Таксама няма інфармацыі пра магчымыя матывы.
Тэхналагічная група Rohde & Schwarz актыўна працуе ў такіх галінах, як тэхналогіі бяспекі і сувязі для дзяржаўных устаноў і вайскоўцаў.
У сакавіку кампанія падпісала мемарандум аб узаемаразуменні з украінскім вытворцам беспілотнікаў Pegasus Arms. Разам яны павінны былі супрацоўнічаць у распрацоўцы перадавых разведвальных сістэм.
Раней паведамлялася, што на заводзе польскай кампаніі WB Electronics, якая вырабляе беспілотнікі для польскай і ўкраінскай армій, адбыўся пажар; перад гэтым на аб'екце нібыта з'явіўся невядомы чалавек у балаклаве.
Прэм'ер-міністр Польшчы Дональд Туск заявіў, што пажар на заводзе па вытворчасці кампанентаў для беспілотнікаў у горадзе Скаржыска-Каменна быў дыверсіяй.
Дацкія спецслужбы папярэдзілі, што расійскія спецслужбы ўжо рыхтуюцца арганізаваць дыверсіі на аб'ектах ваенна-прамысловага комплексу краіны.
Паводле звестак газеты The Telegraph, Расія пачала новую хвалю нападаў на еўрапейскія заводы па вытворчасці зброі, вярбуючы членаў мясцовых банд і правяраючы рэакцыю НАТА.
Цяпер чытаюць
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў17
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1313
Каментары