Мітрапаліт Кандрусевіч пра Чырвоны касцёл: Без дазволу дзяржавы мы не можам цвік убіць у сцяну
Касцёл Святых Сымона і Алены ў Мінску мае патрэбу ў рамонце.
Пра гэта сёння заявіў журналістам на перадкаляднай прэс-канферэнцыі мітрапаліт Мінска-Магілёўскай архідыяцэзіі Рымска-каталіцкай царквы арцыбіскуп Тадэвуш Кандрусевіч.
«Чырвоны касцёл у Мінску — гэта як Эйфелева вежа ў Парыжы, візітная картка нашага горада.
Але там працякае вада пад падмурак і таксама ў падвал. Гэта вялікая праблема. Будынак не перададзены нам, мы плацім за яго арэнду. А без дазволу дзяржавы мы не можам нават цвік убіць у сцяну», — сказаў Тадэвуш Кандрусевіч.
Паводле яго слоў, ён ужо звярнуўся ў адказныя за стан гістарычных будынкаў органы з просьбай адрамантаваць касцёл. «Мы павінны дапамагаць адзін аднаму, каб захаваць гэтую спадчыну, бо гэта наша гісторыя», — мяркуе мітрапаліт.
Тадэвуш Кандрусевіч адзначыў, што касцёлы, якія перададзены Рымска-каталіцкай царквы ў Беларусі, адрамантаваны.
Цяпер чытаюць
Сталі вядомыя падрабязнасці пра трагедыю ў Полацкім манастыры16
Сталі вядомыя падрабязнасці пра трагедыю ў Полацкім манастыры
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары