Жаночыя гармоны дапамогуць салдатам ператрываць моцны крывацёк
Універсітэт Алабамы (ЗША) пачынае выпрабаванні на людзях лекаў, атрыманых з выкарыстаннем жаночага гармону эстрагену, якія могуць дапамагчы жаўнерам, якія хутка губляюць кроў, датрываць да шпіталя.
Пра гэта паведаміў сайт навін для парамедыкаў emsworld.com.
Міністэрства абароны ЗША выдала $10 млн на трохгадовую праграму распрацоўкі спецыяльных медыцынскіх сродкаў для выкарыстання на полі бою.
Вучоныя Універсітэта Алабамы лічаць, што сінтэтычныя малекулы эстрагену вельмі моцна дапамогуць параненым з вялікім крывацёкам. Вядома, што жаночы арганізм, прыстасаваны да родаў, значна лепш вытрымлівае вялікія страты крыві, а таксама ў сярэднім мае больш высокі болевы парог. Гэтым і вырашылі скарыстацца медыкі.
Сродак ужо тэставаўся на жывёлах. Ён не спыняе крывацёк, аднак дапамагае целу параненага спраўляцца са стратай крыві, мабілізуючы фізіялагічныя механізмы арганізму.
Згодна з інфармацыяй Міністэрства абароны ЗША, больш за 80% параненых жаўнераў, якія патэнцыйна маглі выжыць, у 2001-2011 гадах загінулі менавіта ад моцнага крывацёку.
Цяпер чытаюць
Сям’ю з Мінска будуць судзіць за здраду дзяржаве і кантрабанду зброі. Іх, падобна, затрымалі на мяжы — вось што вядома7
Каментары